BJers Have Fun Go Mad - Part 1

What a crazy day .... hari ini abis ngumpul ama BJers, mula2 bowling truz karaoke, seru abis .... we had so much fun.... but still I miss him so much that I'm aching inside ...
Anyway below is Parla's report bout the bowling rematch game ....


----------------------------------------------------------------------------------



Pagi All

Pagi ini mbah mau cerita kehebohan and seru2an acare kemaren ntu di pasar
festival nyang dilanjutin karaokean bareng........Saking serunye ini cerita mbah
bagi due bagian. Bagian pertame cerita seru2an di lintasan bowling. Bagian
kedue seru2an di karaoke cinte....

Kite mulai yakkk..disimak nyang cermat..siapin cemilan and
minuman..hheheehehehe... mari kite mulai......


Part 1 - Be Crazy on Bowling Line

Rombongan BJ memasuki arena bowling tepat jam 13.30. Tentu mbah dikelilingi
belasan pere cantik BJ nyang selalu ngidolain mbah and dikawal ma dua laki BJ
mas ronal and mas fandi.... .....duh untung ade laki nyang laen...kalo ga..bisa
abis aye hiihihi...... Kite disambut dengan ramah dan senyum manis ntu
karyawati JBC...keknye naksir ma mbah makanye senyum2 aje ntu pere.... kudu
dikasih foto nyang udeh ditandatanganin mbah nih kayaknye....tapi karena emang
dari awal kaga persiapan buat jumpa fans, ya cukup disenyumin aje ntu
pere...eh langsung kejer pingsan gubrak......jadi pusing kan....Akhirnye
kite dapet lintasan no 17 and 18....Ya agak mojok deh sedikit ga ape....
daripade di tengah nanti orang2 malah ngeliatin mbah and jadinye konsen mbah
bekurang kan jadi repot...ya udeh biarin aje dapet ntu lintasan......


GAME 1
Karena BJers nyang dateng belum cukup buat 4 team...terpaksa anggota BJers
dibagi dua team...Team Parla - Tria - Siwi - Fitri versus Team Widi - Aga -
Febi - Effi. Team PTSW maen di lintasan 17 sedangkan Team WAFE di lintasan
18. Dari awal game keliatan banget kalo team WAFE udeh keteteran ngadepin
team nyang dikomandanin ame mbah. Bahkan sampe keteterannye tuh yee..mbah
ampe turun tangan ngasih arahan ame wejangan ke teamnye widi.... (Febi ame
effi nyimak banget ajaran mbah).......pan kasian juge kalo kalahnye telak
banget.......

Dan emang pade akhirnye widi and friends kudu takluk and nangis guling2an
karena kekalahannye....Tisu 2 box ternyate kurang buat ngeringin ntu air
mate....sempet terjadi banjir lokal di arena...ntu karyawan ampe ngedumel
ngepelin lantai...hihihihihi....mbah dengan double strikenye mampu membawa
kemenangan pertama dalam Bowling Rematch Game.....Siwi Tria and Fitri lari2
muter2 di arena bowling atas kemenangan ini...

GAME 2
Awie and Fuad akhirnye datang juga tepat sebelum GAME 2 dimulai...diawali
dengan petir menggelegar dan kilat nyang menyambar, Awie and Fuad ngesot ke
arah lintasan kite....Mukanye penuh dengan harap harap cemas kayak
ketinggalan kereta...keknye sih takut kagak bisa maen karena telat...tenang
aje bro...ditungguin kok...hehehehehehe....

Akhirnye Game 2 dimaenkan dengan membagi 2 team yaitu Team Parla - Awie -
Siwi - Febi - Effi versus Team Widi - Aga - Fuad - Tria - Fitri.....

Awalnye pertandingan cukup seru...Fuad nyang bermaen dengan tangan kiri
mengeluarkan jurus2 mautnye...Widi juge mampu memimpin team WAFTE bermaen
baek di awal2 game. Tapi lagi2 kredit point kudu diberikan kepade mbah nyang
mampu membawa team PASFF lepas dari tekanan dan akhirnye memimpin jauh dari
team ms stlobeli....

Menjelang tengah2 game udeh keliatan gimane tertekannye team nyang dipimpin
miss stlobeli ini. Mbak Aga ampe keliatan bingung and bolak balik ngejedukin
ntu kepale ke dinding.....ntu kantong dora dipegang2 keliatannye bingung mau
dilepas ape kagak...ape die keberatan ntu kantong yeee.......widi ampe
jumpalitan ga jelas arah ngeliat teamnye tertinggal jauh. Nyang parah mah si
tria....keliatan banget ntu jakun naek turun...... aer matenye juge dah
mulai kembali membanjiri lintasan bowling.... Fuad juge terdiam ga bisa
ngomong ape2..

Sedangkan di team mbah...suasana keliatan cerah banget...siwi ketawa ketiwi
ngakak ngikik ngikutin mbah nyang dari awal game udeh ketawa kebahak
bahak......Febi ame Effi sempet ngeblow rambut ame pijet2an bareng....Awie
ma mbah udeh ongkang angking kaki aje.....seru aje ngeliat team miss
stlobeli bingung gubrak.....hehehehheh

Akhirnye kembali Ms stlolebi menelan pil kekalahan keduanye..........Anggota
teamnye duduk bareng nangis abisan ntu nangis kejer......


GAME 3
Ini game nyang ditunggu2 ame team stlobeli karena game ketiga adalah Gender
War...Team Stlobeli versus Team Duren....4 laki BJ, Parla - Awie - Fuad -
Fandi melawan 10 pere cantik nyang dibagi dalam dua team. Ms Stlobeli
memimpin Siwi - Tri - Fitri - Aga. Dan diluar dugaan kite semua, pesona
bowling mampu menyihir Toetoet si ratu geng motor kite untuk ikut
bermaen.....Die gabung ame Febi - Effi - Intan - Kiki. Rasa sakit di kaki
ilang dikalahin pesona bowling...walau dengan langkah terseok-seok, Toet
memimpin teamnye (duh jadi inget panglima sudirman nyang mimpin perang pake
ditandu...)

Team Ms stolebli dengan girl powernya dan ditambah dendam kekalahan minggu
kemaren ntu, mampu memberikan nyang terbaek untuk mewakili pere se BJ.
Permaenan ciamik dari Widi - Tria - Siwi - Fitri - Aga akhirnye keluar juga.
Sedangkan team duren nyang dipimpin mbah keliatan performanye menurun.
Mungkin juge ini pengaruh belum solidnye team.....pan baru gabung ntu fandi
ame fuad.....

Jadi dari awal kudu diakui team duren keteteran. Fandi ampe stress berat
ampe ntu bola bukannye meluncur ke depan malahan meluncur ke
belakang...syukur alhamdullilah ga ade nyang terluka...Sayangnye tria nyang
udeh mabuk kemenangan juge ampe bikin kesalahan nyang sama ame kesalahannya
fandi...ntu bola meluncur ke belakang...waduuuh. segitunye sih provokasi
mbah .....puass yeee team stlobeli.....

Patut diakui tekanan emang terjadi di team duren...mewakili para laki se BJ,
kite pade kaga mampu lepas dari tekanan....ditambah lagi team nyang dipimpin
ratu geng motor ms Toet juge membuat kejutan.... Strike sempet dicatet same
nih ratu geng motor..... Toet dengan gaye ngesotnye mampu memberikan kejutan
sore ntu....Sakit di kakinye serase ilang ngeliat kemenangan atas team
duren di depan mate....Dan diluar dugaan juge, Febi si manis jembatan ancol
kite menunjukkan kelasnye sebagai didikan mbah paling bersinar ntu sore.....

Pokoknye mah....kali ini team duren kalah mutlak (kagak perlu ditebalin and
digaris bawahin) Mbah kagak bise ngomong ape2 lagi dah...ampun......kagak
perlu alasan laen nyang pasti ntu laki perlu mbah didik lagi......*sambil
liat tumpukan buku2 jurus lama*

Akhirnye team ms stlobeli ame ms ratu geng motor pulang juga dengan
kemenangan....Widi kegirangan. Aga berseri-seri dan ketawa ngakak (keliatan
banget pere nyang atu ini puas banget). Tria jakunnye bisa adem kagak naek
turun lagi. Fitri cengar cengir kesenangan. Siwi jumpalitan kegirangan.

Di team duren, mbah diem....(mimpi ape yee mbah semalem...) Awie jadinnye
dendam. Fuad juge ikutan diem. Fandi mingkem kaga percaye ame
kekalahan...(uhh masih kaga percaya aje sih kite kalah...gimane mau menang
kalo ntu bola ke belakang..uhhh...hehehehehehe).

Di team ratu geng motor, Toet dengan langkah ngesot muter2 kayak gasing.
Kiki ame intan toss bareng. Effi nangis kegirangan. Dan febi nyang jadi
murid dadakan mbah, dengan malu2 ngajak mbah liat hasil permaenannye die di
game terakhir ntu. Dan olala, die mampu menjadi nyang tertinggi di team ratu
geng motor. Kayaknye sih kalo kagak ade orang laen, febi dah mau meluk mbah
aje ngucapin makasih atas ajaran and wejangan nyang mbah berikan. Sayang aje
nyang laen rame....heheheheh... halah apaan sih....

Dengan kemenangan team stlobeli, maka skor stlobeli versus duren menjadi
1-1.

Waaaahhhh cape maen bowling. Tapi puas kan yeeee... Pokoknye mah mbah punya
prinsip....BIAR KATE MBAH JADINYE LEMES, NYANG PENTING SITU
PUAS...wakakakkaakakakk

Tapi seru2an sore ntu belum berakhir....masih ade Karaoke Cinte...Gimane
ceritanye...tungguin yeee PART 2 nye.....

Loh loh loh geleng2 kepale masih ade effek abisan kalah dari team stlobeli,
jadi baru setengah hari aje dah seseru ntu yak...gubrak....gimane nanti
acare great gathering nyang ampe pake acare nginep segale.....

Makanye nih yeee anggota BJ, buruan daptar buat Acara Great Gathering
kite..pan pendaptaran dah mau tutup ntu.....Jangan ampe kagak ikutan...rugi
sendiri dah...kayak BJers nyang kagak ikutan bowling kemaren...kite mah
kagak kecewa pade kaga dateng...cuman kasian aje pade kaga ngerasain
seru2annye BJ kemaren....hehehehhe...

Buruan Daftar yaakkk... Ayo nyang daptar nyang daptar.........


* by Parlagutan H. Harahap *